Yaar Ban Jayin Tu Aghyar Tu Phir Kya Hoga > Momin Khan Shouq

یار بن جائیں تو اغیار تو پھر کیا ہوگا

پھول بن جائیں اگر خار تو پھر کیا ہوگا

ہر نیا دن، نئی الجھن کو لیے آتا ہے

غم کی ہوتی رہی یلغار تو پھر کیا ہوگا

تم سے قائم ہے میری زیست میں خوشبوئے وفا

تم ہوئے مجھ سے جو بیزار تو پھر کیا ہوگا

زندگی عارضی ہے سوچ سمجھ کر چلئے

بجھ گیا شعلۂ رخسار تو پھر کیا ہوگا

ہم کہ مشتاقِ نظارہ مگر سوچتے ہیں 

حُسن بن جائے تو بازار تو پھر کیا ہوگا

چاہتیں مصر کا بازار ہوئیں شوقؔ یہاں

مل نہ پائے جو خریدار تو پھر کیا ہوگا

مومن خاں شوق ؔ

AshrafVilla,11.3.723.Hyderbad,50000

Yaar Ban Jayin Tu Aghyar Tu Phir Kya Hoga > Momin Khan Shouq