*اک رنگِ تغزل ایسا بھی۔۔*
*احتشام اطہر نعیمی (دھولیہ)*
➖➖➖➖➖➖➖➖➖➖➖➖
شکریہ اے وقت! دل سے سارے افسانے گئے
دوستی کے نام پر کچھ لوگ پہچانے گئے
ہم نے اہلِ وصف کی سب پارسائی دیکھ لی
دن کو ناصح بننے والے رات میخانے گئے
راہ پیمائی کا آخر رکھ لیا ہم نے بھرم
جس جگہ کوئی نہ پہنچا تیرے دیوانے گئے
کوئی شہرت، کچھ تعارف اور نہ کوئی ننگ و نام
بیخودانِ عشق اپنے آپ گردانے گئے
میکدے کی شام گویا جلوہ گاہِ ناز تھی
ہم گئے پیمانوں میں یا ہم میں پیمانے گئے
دیدِ بزم و کوچہء جاناں کو پہلے دل گیا
لوٹ کر ہم بھی نہ آئے دل کو جو لانے گئے
دیکھئے اطہر ہماری سخت جانی دیکھئے
داغِ دل، دُودِ چراغِ غم کو بتلانے گئے
➖➖➖➖➖➖➖➖➖➖➖➖
*الف اطہر نعیمی۔۔* 8668766035
No comments:
Post a Comment