گھنگھور گھٹا چھائی یاد تری لے کر گلشن میں بہار آئی

گھنگھور گھٹا چھائی

یاد تری لے کر

گلشن میں بہار آئی

٭

ہے آس ابھی باقی

پی کے سمندر بھی

ہے پیاس ابھی باقی

٭

آنکھوں میں اندھیرا ہے 

شام سے ہی دل کو

افکار نے گھیرا ہے

٭

کیا خوب تماشا ہے 

جنگ سیاست کی

گھائل ہوئی بھاشا ہے

٭

پچھتا رہا ہے قاتل

جان تو لی لیکن

کچھ بھی نہ ہوا حاصل

٭

خاموش رہے توبھی

جرم تمھارا ہے

گر ظلم سہے بھی تو

٭

ارمان نکلتے

آگ  میں جلنے کو 

پروانے مچلتے ہیں

ڈاکٹر یوسف صابر

RauzBagh

Aurangabad-431001(M.S)