Pehle Shadi se Lage Hoor Tumhen Kya Maloom

پہلے شادی سے لگے حور تمہیں کیا معلوم

بعد میں بنتی ہے ناسور تمہیں کیا معلوم

اس طرح جکڑا ہے شادی کی مصیبت نے ہمیں

ہوگئے سیب سے امچور تمہیں کیا معلوم

مل نہ پایے وہ جوانی میں تو یہ کہنے لگے

اب تو کھٹے ہیں وہ انگور  تمہیں کیا معلوم

جب سے دیکھا ہے اسے ہم نے غزل پڑھتے ہویے

 نیند آنکھوں سے ہے کافور  تمہیں کیا معلوم

 لوگ کہتے ہیں کہ اک آنکھ سے بے نور ہے وہ

مجھ کو تو لگتی ہے وہ حور  تمہیں کیا معلوم

بیوی کے پلو پہ جس روز پڑھی اس نے نماز

ماں کے آنچل سے ہوا دور  تمہیں کیا معلوم

یہ تو معلوم ہے غش کھا کے گرے تھے موسیٰ

کیا ہوئی بات سرِ طور  تمہیں کیا معلوم

ماں کی ممتا کو وہ اک شب میں بھلا دیتے ہیں

رہتے ہیں بیوی سے مسرور تمھیں کیا معلوم

قابلِ دید ہے اس وقت رضیؔ کی حالت

 نشّۂ عشق میں ہے چور  تمہیں کیا معلوم

Pehle Shadi se Lage Hoor Tumhen Kya Maloom

ڈاکٹر رضیؔ امروہوی

بانی علامہ قیصر اکیڈمی۔آباد مارکیٹ۔ دودھ پور علی گڑھ موبائل:9897601669