Jane Kiyo Lams Mujhe Us ka Mayassar Na Raha Sayed Anwar Jaweed Hashmi

غزل

جانے کیوں لمس مجھے اُس کا مُیّسر نہ رہا

دست رس سے جو زیادہ مری باہر نہ رہا

جاگتا ہوں پئے تمثال گری اکثر میں

دُور آنکھوں سے مرے خواب کا منظر نہ رہا

اطلاعاً مجھے احوال سُنا جاتا ہے

چاند حالاں کہ بہ ظاہر مرا مُخبَر نہ رہا

کوئی دن ہے کہ نکلنا ہے یہاں سے مجھ کو

بات یوں ہے کہ یہاںکوئی مرا گھر نہ رہا

نہر سے کیوں یہ صدا آتی ہے’’آئو، آؤ!‘‘

کوئی جب پیاسا سر خیمہ ولشکر نہ رہا

Jane Kiyo Lams Mujhe Us ka Mayassar Na Raha Sayed Anwar Jaweed Hashmi

سیدانورجاویدہاشمی