Hansne Ka Mujh Ko Koi Irada Na Hoga Kya > Mohammed Noushaad Nourang

ہنسنے کا مجھ کو کوئی ارادہ نہ ہوگا کیا

آنکھوں سے دور غم کا لبادہ نہ ہوگا کیا

تھوڑا خمار چاہئے اس زندگی میں بس

حاصل تمہاری آنکھوں کا بادہ نہ ہوگا کیا

سو بار تم رقیب سے ملنے کو جا چکے

اک بار ہم سے ملنے کا وعدہ نہ ہوگا کیا

ہر وقت تیر طعنوں کے چلتے رہے مگر

میرے مرض کا کوئی افادہ نہ ہوگا کیا

معصوم کس قدر میرا  قاتل ہے دوستو

مرنے کا اس حسیں پہ ارادہ نہ ہوگا کیا

محمد نوشاد نورنگؔ

102,RaushanKIranApartment

1-RaviNagar.KhazranaRoad

IDORE-452018(M.P)