میں چاہوں اپنے پیار کی خوشبو ہو کامیاب

میں چاہوں اپنے پیار کی خوشبو ہو کامیاب

تم چاہو اپنے حسن کا جادو ہو کامیاب

بے وجہہ آنسوؤں کے مقدر میں خاک ہے

 سجدے میں جا کے ٹپکے تو آنسوہو کامیاب

سچائی کِھل رہی ہے ابھی دل کی شاخ پر

رگ رگ میں پھیل جائے تو خوشبوہو کامیاب

اوڑھے ہوئے ہیں جسم پہ بارودی پیرہن

کیونکر ہمارے دور میں چاقو‘ ہو کامیاب

اپنے سلگتے جذبوں کی تحقیق کے لئے

دل میں یہ آرزو ہے کہ اردو‘ ہو کامیاب

ناطقؔ یزیدِ وقت سے ٹکرائیں گے وہی

بچوں کی میرے قوتِ بازو ہو کامیاب

نور الٰہی ناطق

DewanBazar,Cuttack-753001