Apna Gham-e-Dil Chupate Rahiye

اپنا غمِ دل چھپاتے رہئے

رونے والوں کو ہنساتے رہئے

اپنے ہوں یا ہوں پرائے سب سے

رشتۂ درد نبھاتے رہئے

ہو کڑا وقت تو دل بھی ہوکڑا

بارِ غم ہنس کے اٹھاتے رہئے

غم کے ماروں کی دعائیں لیجے

بوجھ اوروں کے اٹھاتے رہئے

آگ نفرت کی لگی ہے گھر گھر

جس طرح بھی ہو بجھاتے رہئے

فصلِ گل ہو کہ خزاں کا موسم

نغمۂ شوق سناتے رہئے

جینا مرنا تو لگا ہے فیضیؔ

حوصلہ دل کا بڑھاتے رہئے

عبد المجید فیضیؔ سمبلپوری

12/106,Nayapara,Samblpur,Odisha,

Apna Gham-e-Dil Chupate Rahiye