Ghazal > Akhtar Shahejahanpuri

دھنک ہے‘ چاندنی ہے‘ کہکشاں ہے

ترے رخ پر بہاروں کا سماں ہے

سنائی کچھ نہیں دیتا کسی کو

شبِ تیرہ وہ آوازِ سگاں ہے

یہ کیسی بندگی‘ کیسی ریاضت

دعائے نیم شب بھی رائگاں ہے

سناؤ تم ہی اپنے کارنامے

ہماری داستاں کیا داستاں ہے

نہ چنگاری دکھائی دی ‘ نہ شعلہ

فضا میں ہرطرف پھر بھی دھواں ہے

نہیں دامن پہ اخترؔ کوئی دھبہ

مگر چشمِ بصیرت خونچکاں ہے

اختر شاہجہانپوری

RangeenChaupal.Shahjahanpur