تم نے غلط کہا
ہم سب خاک کے پتلے ہیں
خاک کے پتلوں میں
آسمانوں کو چھونے کی تمنا کیسی؟
سمندر کی گہرائی کو ناپنے کی خواہش کیسی؟
تم نے غلط کہا
ہم سب خاک کے پتلے ہیں
تو۔۔۔۔غم و آلام سے ہمارے رشتے کیوں ہیں ؟
ہم اچھے یا برے کیوں ہیں؟
ہم میں تعصب اور حسد کی بو باس کیوں ہے؟
ہم میں دوستی اور دشمنی کی
گرم اور سرد آگ کیوں ہے؟
ہم میں مہذب اور غیرمہذب لہو کی بوندیں
کیوں رواں دواں ہیں؟
دل و ذہن میں تازگی اور مردگی کا
مسلسل روگ اور سوگ کیوں ہے؟
شعور اور لاشعور کو جگمگاہٹ کون دیتا ہے؟
ذرا۔۔۔۔۔۔۔۔کچھ دیرخاموش رہو
مجھے سوچنے دو
میں کسی کی ملاقات کامنتظرکیوں ہوں؟
وہ کون ہے؟
رہتا کہاں ہے؟
کس سے پوچھوں؟
کون بتائے گا؟
علیم صبا نویدی
266,TriplicHighRoad,FlatNo.16,
IIndFloor,RiceMandisTreet,Chennai-600005
No comments:
Post a Comment