ہرایک دل کے لیے پیار کی زباں بن جا
نہ بھول پائے کوئی ایسی داستاں بن جا
ہو تجھ کو دیکھ کے احساس دردِ الفت کا
جو مٹ نہ پائے کبھی ایسا اک نشاں بن جا
کر ایسا کام کہ رکھے زمانہ یاد تجھے
حیات کم ہی سہی مرکے جاوداں بن جا
نشانہ کون بناتا ہے کس کو دیکھ ذرا
اٹھائے تیر جو دشمن تو تو کماں بن جا
محبتوں کے جہاں میں اجالا ہو صابرؔ
فلک پہ دل کے تو رخشندہ کہکشاں بن جا
ڈاکٹر یوسف صابر
Editor,Aks-E-Adab
Aurangabad(M.S)
No comments:
Post a Comment