ترے جلووں سے ہے معمور جمالی دنیا
طورِ سینا سی نہیں میری جلالی دنیا
لوگ کہتے ہیں جسے خواب و خیالی دنیا
قیدِ ہستی سے پرے ہے وہ مثالی دنیا
تجھ کو پانے کے لئے خاک جہاں کی چھانی
پھرتے پھرتے ترے کوچے میں بسالی دنیا
طفلِ سرکش کی طرح ضد پہ مچل کر اپنی
ترے سائل نے تو اب سر پہ اٹھالی دنیا
زندگی عشقِ محمد کے سوا کچھ بھی نہیں
عشقِ احمد سے ہو سرشار بلالی دنیا
قربتِ یار کے لمحات کو جی کر ہم نے
دور دنیا سے صداؔ اپنی بسالی دنیا
سید اسلم صدالآمری
H.No:324,MaroofSahebStreet
Chennai-600002(T.N)
No comments:
Post a Comment